Informim, ndërgjegjësim dhe edukim për të pasur një jetesë sa më të shëndetshme. Të zgjedhësh për një jetesë të shëndetshme ju do të ndihmoni veten për të reduktuar rrezikun që të prekeni nga lloje të ndryshme të kancerit dhe sëmundje të tjera.
Ky ishte mesazhi kryesor që u përcoll nga loja e volejbollit që u krye nga studentët e Universitetit të Sporteve, Tiranë.
Ekipi i UST-së iu bashkua aktivizmave të Europa Donna Albania për një jetesë të shëndetshme.
“Një jetesë e shëndetshme për shëndetin e gjirit” është një slogan që “Europa Donna Albania” dhe gjithë organizatat “Europa Donna” nëpër Evropë kanë këtë vit dhe që lidhet me ndërgjegjësimin për kancerin e gjirit.
Vajza dhe djem të Universitetit të Sporteve përcollen mesazhin se nëse bëjmë një jetesë të shëndetshme ulim shanset nga prekja e kancerit të gjirit.
Ekipi u udhëhoq nga Dr. Aida Shehu, e cila u shpreh se është shumë e rëndësishmë jeta aktive dhe sporti për një organizëm të shëndetshëm dhe me imunitet.
Ndërkohë, studentja e UST-së Aselda Terolli tregoi se ka gati 12 vite që merret me sport.
“Që në klasen e katërt merrem me sport dhe është një ndër pasionet e mia. E ndjej të nevojshëme si disiplinë dhe kam pasur përfitime nga sporti sepse kam shumë imunitetet,” tha Aselda.