Përshtati në shqip për “Shendeti.com.al“: Blertina Koka
Me ardhjen e verës dhe sezonit të plazhit, trupi ekspozohet gjithnjë e më shumë. Nëse doni një trup perfekt, pa asnjë të metë, nisni betejën me celulitin përmes këtyre trajtimeve natyrale me kafe.
Konsumimi i kafes rrit qarkullimin e gjakut. Llumi i kafes mund të përdoret gjithashtu si një pastrues natyral, që mund të largojë qelizat e vdekura në lëkurë dhe t’i zëvendësojë ato me qeliza të shëndetshme.
Për trajtimin e parë do t’ju duhen vetëm tre përbërës: kafe, vaj kokosi dhe sheqer.
- Përzieni ¼ filxhan llum kafeje me dy lugë gjelle vaj kokosi dhe tre lugë gjelle sheqer. Përzieni këta përbërës derisa të formohet një pastë.
- Merreni pastën dhe aplikojeni direkt tek pjesët ku keni celulit. Masazhojeni mirë ndërkohë që aplikoni pastën.
- Më pas lahuni me ujë të vakët.
- Përsëriteni këtë trajtim të paktën 2-3 herë në javë, derisa të shihni rezultate pozitive.
Një trajtim tjetër është me llumin e kafes dhe vaj ulliri.
- Përzieni 1/5 filxhan me llumin e kafes me pak vaj ulliri.
- E ngrohni përzierjen tek mikrovala për 20 minuta.
- Aplikojeni pastën tek pjesët ku keni celulit dhe mbështilleni me një qese plastike për 30 minuta.
- Më pas lahuni me ujë të vakët.
- Përsëriteni këtë trajtim për të paktën dy herë në javë, derisa të vëreni përmirësime.
Burimi: Health Digest / https://shendeti.com.al/