Përshtati në shqip: Blertina Koka / Shëndeti Online dhe gazeta ‘Shëndet+’
Një 22-vjeçare nga Kanadaja ka fituar me mijëra fansa në internet me transformimin drastik të saj.
Kayla, studente e infermierisë, e cila administron llogarinë në Instagram Kayla_GotFit, ka grumbuluar më shumë se 7,500 ndjekës brenda një viti vetëm duke dokumentuar humbjen e 40 kilogramëve nga pesha e saj.
Postimet e saj, të cilat kanë marrë me mijëra pëlqime, tregojnë transformimin e 22-vjeçares para dhe pas rënies në peshë nga 118 kg në 78 kg.
Teksa rritesha, më thoshin gjithmonë: Do të ishe shumë e bukur nëse do të dobësoheshe ose ‘e imagjinon sa ‘hot’ mund të ishe”, shpjegon Kayla në një nga postimet e saj.
“Dikush madje më tha se isha “një fytyrë e bukur e çuar dëm”.
Pasi kishte pasur për shumë vite probleme me peshën, në vitin 2014 kishte arritur të humbasë 18 kg por i kishte fituar sërish në 2015 – Kayla kishte vendosur të kërkojë ndihmë.
Më 15 dhjetor 2015, ajo ju nënshtruar një ndërhyrjeje kirurgjikale në pjesën e barkut për heqjen e shtresës dhjamore.
Vetëm disa javë pas ndërhyrjes për rënien në peshë ajo filloi të dokumentonte transformimin e saj në Instagram.
Së shpejti ajo do t’i nënshtrohet një tjetër operacioni për heqjen e lëkurës së tepërt dhe është një hap larg trupit perfekt.
Gjatë kësaj kohe ajo është kujdesur shumë për mënyrën e ushqyerjes dhe ka bërë sa më shumë stërvitje fizike.
“Ndërhyrja më ndryshoi shëndetin si dhe më rriti vetëbesimin”, thotë Kayla.
Burimi: Daily Mail / https://shendeti.com.al/