Trajtim: Hekur
Pilulat e hekurit janë të nevojshme nëse anemia vjen si pasojë e mungesës së këtij minerali. Është mirë që hekurin ta merni nga ushqimet e pasura me këtë lëndë ushqyese. Nëse mjeku ju rekomandon të merrni ilaçe me përmbajtje të hekurit, duhet mos t’i përzieni ato me kafen, çajin ose produktet e qumështit pasi pengojnë absorbimin e tyre. Kurë mos merrni suplemente të hekurit pa rekomandimin e mjekut dhe i mbani larg fëmijëve. Një overdozë e hekurit mund të jetë e rrezikshme. Disa njerëz mund të kenë nevojë edhe për acid folik ose suplemente të vitaminës B12.
