Dekada kërkimore kanë vërtetuar se stresi kronik – nga shqetësimet për paratë, problemet e punës, tensionet familjare ose burime të tjera – shkaktojnë ndryshime kimike në trup. Këto ndryshime mund të kontribuojnë në probleme të shumta si rritja e presionit të gjakut, inflamacioni dhe çlirimi i disa hormoneve.
Disa studime kanë sugjeruar se këto ndryshime të shkaktuara nga stresi mund të rrisin rrezikun e sëmundjeve të zemrës dhe diabetit, madje edhe kancerin ose përhapjen e kancerit.
Në një studim të ri, studiuesit tani kanë identifikuar ndryshime biologjike të shkaktuara nga stresi që mund të ndihmojnë në shpjegimin se si mund të shkaktojë përhapjen ose metastazimin e një tumori diku tjetër në trup.
Studiuesit treguan se hormonet e shkaktuara nga stresi të quajtura glukokortikoidë mund të shkaktojnë ndryshime në qelizat imune të quajtura neutrofile.
Shkencëtarët kanë studiuar minjtë e ekspozuar ndaj stresit të vazhdueshëm dhe kanë vërejtur që nën stres sistemi i tyre limfatik kalon nëpër ndryshime të tilla fiziologjike, që sëmundjet e kancerit shumë më shpejt shumëzohen dhe përhapen nëpër organizëm.
Ata kanë konstatuar që stresi vërtet paraqet “iniciuesin” e veçantë për ndarje të qelizave të tumorit dhe vazhdim të përhapjes së tyre.
– Ne jemi të vetëdijshëm që nuk mund t’u themi pacientëve të sëmurë nga kanceri “qetësohuni dhe mos jetoni nën stres”, sepse do të kishte e efekt të kundërt, posaçërisht për faktin që tashmë janë ata janë nën stres të madh.
Megjithatë, është me rëndësi se si do t’u qasemi të sëmurëve nga kanceri, sepse qasja negative në raste të shumta mund t’ua përkeqësojë sëmundjen – thotë për ABC News Erica Sloan, nga Universiteti i Monashit në Australi.
Siç u konstatua, fajtorët për përhapje rapide të kancerit janë hormonet e stresit, para së gjithash adrenalina dhe noradrenalina.
– Ky është zbulim i rëndësishëm i studimit tonë, për shkak që tani e dimë që adrenalina ndikon nëpërmjet receptorëve të caktuar qelizorë, gjë që do të na ndihmojë që t’i zhvillojmë barnat, të cilat do të bllokojnë rrugët e përhapjes së kancerit – thotë dr. Sloun.Tani për tani, ata kanë filluar testimet klinike në femrat e sëmura nga kanceri i gjirit, në atë mënyrë që u jepen doza të caktuara propranololi dhe beta-bllokues të tjerë.
– Gjatë shtatë vjetësh të studimit, është treguar që te pacientet të cilat kanë marrë propranolol, është vërejtur përqindje shumë më e vogël e metastazës, e cila përhapet nëpër sistemin limfatik dhe “vendoset” në organet vitale, siç janë mushkëritë – thotë ajo.
