Një 55-vjeçare ka “luftuar” për ngjarjen më të lumtur të jetës së saj, si për veten ashtu edhe për të bijën. Gruaja që jeton në Heraklion , vendosi – së bashku me vajzën – të lindte nipin e saj, pasi vajza vuante nga një sindromë e rrallë.
Siç thotë në një postim në rrjetet sociale mjeku obstetër Alexandros Zervakis, i cili jeton dhe punon në Athinë, vajza vuan që në lindje nga sindroma Mayer-Rokitasky-Kuster-Hauser, e cila pengon procesin riprodhues, edhe pse vezët mbeten të shëndetshme.
Mundësia e një nëne surrogate iu sugjerua të resë vite më parë, por ishte nëna e saj ajo që donte ta merrte atë rol. Të gjitha problemet që ekzistonin për shkak të moshës së nënës surrogate, kryesisht të natyrës ligjore, u tejkaluan, u mor miratimi nga Autoriteti Kombëtar i Sterilitetit dhe filloi procesi i transferimit të embrionit.
Përpjekja e parë dështoi, por e dyta ishte e suksesshme. Kështu gjyshja, pak ditë më parë, solli në jetë fëmijën e vajzës së saj, një djalë të vogël të shëndetshëm me peshë 3.5 kg. Një fakt që lumturoi të gjithë familjen e saj, veçanërisht dy gratë.
Sipas mjekut, edhe pse shtatzënia ishte me “rrezik të lartë”, shkoi pa probleme.
Ηράκλειο: Γιαγιά γέννησε το εγγονάκι της – «30 χρόνια περίμενα και φοβόμουν αυτή τη στιγμή»
