Kategorizimi i ushqimeve të përpunuara

1. Ushqime të papërpunuara ose të përpunuara minimalisht

Ushqimet e papërpunuara përfshijnë pjesët ushqimore natyrale të bimëve dhe kafshëve. Ushqimet e përpunuara minimalisht janë ndryshuar pak në mënyrë që të ruhen, përgatiten dhe hahen më lehtë; ky nivel përpunimi nuk e ndryshon në thelb përmbajtjen ushqyese të ushqimit. Shembujt përfshijnë pastrimin dhe heqjen e pjesëve të pangrënshme ose të padëshiruara, bluarjen, ftohjen, pasterizimin, fermentimin, ngrirjen dhe paketimin me vakum. Kjo lejon që ushqimi të ruhet për më shumë kohë dhe të mbetet i sigurt për t’u ngrënë. Shumë fruta të freskëta, perime, drithëra, arra, mish, kos i thjeshtë pa sheqer të shtuar ose ëmbëlsues artificialë, makarona të freskëta dhe të thata, çaj, kafe dhe qumësht hyjnë në këtë kategori.

Kjo kategori përfshin përbërësit ushqimorë që përdoren në kuzhina për të përgatitur dhe sezonuar ushqimet që rrjedhin nga ushqime të përpunuara minimalisht duke shtypur, rafinuar ose bluar. Zakonisht nuk hahen vetë, por përdoren për të përgatitur ushqime të tjera. Shembujt përfshijnë vajra nga bimët, farat dhe arrat; uthull e bërë nga fermentimi acetik i verës; mjaltë e nxjerrë nga hojza; dhe shurup nga pemët e panjeve pa aromë apo stabilizues të shtuar.

Në këtë kategori, përpunimi rrit qëndrueshmërinë e ushqimeve ose modifikon ose përmirëson shijen dhe strukturën e tyre. Ushqimet e përpunuara rrjedhin nga njëri prej dy grupeve të mëparshme, por kanë kripë, sheqer dhe/ose yndyrë të shtuar. Disa fruta dhe perime të konservuara, disa djathra, bukë jo e sapobërë dhe peshk të konservuar janë shembuj. Këto ushqime zakonisht bëhen nga të paktën 2-3 përbërës dhe mund të hahen lehtësisht pa përgatitje të mëtejshme.

Gjithashtu të referuara zakonisht si “ushqime shumë të përpunuara”, këto janë ushqime nga grupi i mëparshëm që shkojnë përtej përfshirjes së kripës, sheqerit dhe yndyrës për të përfshirë ngjyrat dhe shijet artificiale, konservuesit, trashësuesit, emulsifikuesit dhe ëmbëltuesit artificialë. që mundesojne qëndrueshmërinë ne raftet e marketeve, ruajnë dhe përmirësojnë strukturën dhe rrisin shijen. Disa hapa të përpunimit duke përdorur përbërës të shumtë janë të përfshirë në një ushqim ultra të përpunuar. Ato shpesh prodhohen në masë me përbërës me kosto të ulët duke i bërë të lirë dhe shumë fitimprurës. Mendohet se këto ushqime janë krijuar për të rritur në mënyrë specifike dëshirat në mënyrë që njerëzit t’i hanë më tepër dhe të blejnë më shumë. Ushqimet ultra të përpunuara zakonisht janë të gatshme për t’u ngrënë me përgatitje shtesë minimale. Jo të gjitha, por disa nga këto ushqime priren të jenë të ulëta në fibra dhe lëndë ushqyese. Shembuj janë pijet me sheqer, biskotat, disa kriker, patate të skuqura, disa darka të ngrira dhe mish dreke. Këto ushqime mund të zëvendësojnë pjesërisht nëse jo plotësisht ushqimet e përpunuara minimalisht në dietat e disa njerëzve. Një studim në SHBA zbuloi se ushqimet ultra të përpunuara përbënin rreth 60% të totalit të kalorive në dietën amerikane.