Ka mënyra se si mund të mbështesim shëndetin tonë mendor gjatë gjithë vitit, si mund ta përdorim mjedisin tonë aktual dhe stinët për të përshtatur mënyrën se si kujdesemi për mirëqenien tonë.
Pranvera është një nga stinët ku populli, gjatë shekujve, ka kuptuar se diçka ndodh, dhe shpesh thonë se ‘ndërrohet gjaku’.
“Brenda nesh, në fakt, ndodhin turbulenca hormonale që, ndoshta për shkak të përshtatjes që bëjmë ndaj një sezoni të ri dhe ndryshimit të ekspozimit tonë ndaj dritës, janë të lidhura me një teori që thotë se neandertali brenda nesh dilte nga shpella dhe përshtatej me dritën dhe sezonin e ri. Kjo ka lënë disa gjurmë në ADN-në tonë, dhe ndonëse tani nuk dalim nga shpella, ato ndodhin ende,” shpjegon psikiatria Arjana Rreli.
Pavarësisht se kjo stinë është shumë e bukur, ka njerëz që nuk ju ndikon për mirë.
“Në pranverë, gjithsesi, nëse flasim për ndryshimet që ndodhin në shëndetin mendor, vërehet një lloj apatie, një sedacion i brendshëm që, ndoshta për shkak të këtyre hormoneve, reflektohet në një tendencë për të qenë më shumë në gjumë. Ka raste kur njerëzit janë më të irrituar dhe më agresivë me njëri-tjetrin. Nuk e di si do të shkojë këtë vit, por duke ardhur nga një vjeshtë që kishte dhe ajo ndryshime të tilla, pa një dimër mes, mendoj se këto probleme do të amplifikohen. Këto shqetësime mund të ndikojnë në sistemin nervor, i cili nuk është ftohur nga një stinë si dimri, dhe pranvera me ndryshimet e saj mund t’i bëjë ato më të dukshme”, tha Rreli.
-Në pranverë kemi mundësinë ideale të dallojmë ndryshimin, pemët e lulëzuara, cicërimat e zogjve, dielli… Marrja e kohës për të reflektuar mbi atë që po ndryshon mund të jetë një aktivitet argëtues. Ka shumë mënyra për të eksploruar vëmendjen në natyrë dhe mund të hulumtoni koncepte të ndryshme për të gjetur atë që ju përshtatet.
-Tokëzimi i vetes është një teknikë vetë-qetësuese që trajnon mendjen të përfshihet plotësisht në momentin dhe realitetin aktual. Është krijuar posaçërisht për të ndihmuar në lehtësimin e ndjenjave të ankthit dhe panikut, duke inkurajuar mendimet tuaja. Mund të bazoheni kudo, por mund të jetë veçanërisht qetësuese ta praktikoni atë jashtë, dhe ka kohë më të mirë për të filluar sesa kur i afrohemi pranverës. Bazat e tokëzimit rrotullohen rreth monitorimit të pesë shqisave, çfarë mund të dëgjoni, nuhatni, prekni, shijoni dhe shihni. Është e rëndësishme të mos nxitoni me këto vëzhgime dhe të kënaqeni duke marrë kohë për t’i zbuluar plotësisht ato.
-Rritni nivelet e aktivitetit dhe lidhuni me të tjerët
Për të qenë aktiv nuk duhet të shkosh vetëm në palestër, në shëtitje ose vrapim. Një shëtitje në natyrë, kopshtaria është një mënyrë e shkëlqyeshme për të shijuar të qenit jashtë dhe për të qëndruar aktiv. Në vend që të takoheni në ambiente të mbyllura, kur jashtë është mot i mirë, takohuni me miqtë në park, organizoni një piknik ose të merrni me qira disa biçikleta.
