Ka disa fakte që duhet t’i dini për trupin tuaj. Për t’i dhënë rëndësi çdo organi dhe për t’u kujdesur siç duhet për të. Më poshtë lexoni pse veshkat janë shumë të rëndësishme për trupin tonë dhe pse mosfunksionimi i duhur i tyre sjell shumë anomali.
-Çdo minutë përmes arterieve të veshkave hyn në veshka rreth një litër gjak apo një e pesta e tërë gjakut që pompohet nga zemra. Pasi pastrohet, gjaku kthehet përsëri në trup.
-Çdo ditë veshkat tuaja kontrollojnë me kujdes sasinë e kripës dhe të ujit në trupin tuaj në mënyrë që tensioni juaj i gjakut të mbetet i njëjtë.
-Veshkat prodhojnë hormonin e reninës që rregullon tensionin dhe volumin e gjakut
-Veshkat prodhojnë hormonin e eritropoetinës që stimulon palcën e kockave për të prodhuar rruazat e kuqe të gjakut
-Veshkat aktivizojnë vitaminën D, e cila është e rëndësishme për të pasur kocka të shëndetshme./Arlinda Gjypi
