Përshtati në shqip për “Shëndet+”: D.Bardhi
Alzheimer është një nga sëmundjet më të përhapura dhe më të rënda neurologjike. Disa studime të bëra dekadat e fundit thonë se ndërtimi i proteinave toksike në tru, beta amyloid & tau, mund të çojnë në Alzheimer. Studimet e reja janë munduar të zbulojnë shkaqet e mundshme që çojnë në sëmundjen Alzheimer, ja disa prej tyre:
Ilaçet kundra ankthit: një klasë barnash e njohur si benzodiazepinant përdoren shpesh për trajtimin e çrregullimeve të tilla si ankth dhe pagjumësi. Përfshirja e medikamenteve të tilla si lorazepam (Ativan), Alprazolam (xanax) dhe clonazepam (Klonopin) mund të jenë shkaktare për pagjumësi dhe ankth. Një studim i publikuar në Revistën Mjekësore Britanike, pas një kontrolli që iu bë 1796 kanadezëve me sëmundjen Alzheimer dhe 7184 kontrolleve të njerëzve të shëndetshëm për një periudhë prej 6 vitesh, u zbulua se përdorimi i këtyre medikamenteve për më shumë se 3 muaj u shoqërua me një rritje prej 51% të sëmundjes.
Traumat e kokës: është vlerësuar se rreth 300.000 amerikanë vuajnë nga tramumat që ju kanë ardhur si shkak i ushtrimit të sporteve të ndryshme. Pas lëndimeve në kokë mund të vijnë shumë komplikacione neurologjike dhe mund të rritet shansi për t’u prekur nga sëmundja Alzheimer.
Problemet me gjumin: këto probleme mund t’ju bëjnë nervoz, më pak të përqëndruar dhe mund të përshpejtojnë zhvillimin e sëmundjes Alzheimer. Problemet e gjumit janë një nga problemet më të zakonshme tek njerëzit me sëmundjen Alzheimer. Pagjumësia dhe problemet me gjumin ndikojnë drejtpërdrejt në trup dhe tru.
Vetmia: sipas një studimin të fundit thuhet se ekziston një lidhje shumë e fortë midis vetmisë dhe çmendurisë. Sipas këtij stumimi 3- vjeçar, studiuesit konstatuan se njerëzit e vetmuar kishin rreth 1.63 herë më shumë shanse për t’u prekur nga sëmundjet neurologjike, përfshirë këtu edhe sëmundjen Alzheimer.
Lloji 3 i diabetit: Neuroshkencëtarja Suzanne de la Monte, nga Universiteti Braun, beson se sëmundja Alzheimer është një sëmundje metabolike që ndikon në tru. Ajo i referohet sëmundjes Alzheimer si “lloji 3 i diabetit”. Hulumtimi i saj ka treguar se qelizat e trurit zhvillojnë rezistencën ndaj insulinës ashtu si qelizat e tjera nëpër trup. “Çdo organ mund të dikohet nga rezistenca ndaj insulinës dhe nëse ndikon në tru, ne e quajmë sëmundja Alzheimer”- ka thënë ajo.
Si mund ta parandaloni sëmundjen Alzheimer dhe sëmundjet e tjera neurologjike?
Jetesa e shëndetshme, qëndrimi aktiv dhe aktiviteti fizik mund t’ju ndihmojnë të përmirësoni shëndetin e trurit dhe trupit. Deri sot nuk ka ndonjë medikament që e kuron sëmundjen Alzheimer, por ajo mund të përmirësohet nga një dietë e shëndetshme me fruta dhe perime, nga mospërdorimi i alkoolit dhe duhanit dhe nga aktiviteti i rregullt fizik./ Burimi: D.WOLF
