Mbipesha te gratë shton rrezikun për shfaqjen e tumorit të gjirit. Të paktën ky është përfundimi i një studimi amerikan të publikuar në “Cancer”, që ka përfshirë më tepër se 44 mijë gra në periudhën e post-menopauzës.
Rezultatet kanë treguar se gratë që pas adoleshencës kishin akumuluar gati 30 kg më tepër, kishin dyfishin e probabilitetit për të shfaqur tumor të gjirit,në krahasim me ato që kishin shtuar vetëm 10 kg. Po kështu dhe rreziku për metastazat ishte 3 herë më i lartë te këto gra që ishin shëndoshur shumë pas adoleshencës. Gjatë studimit nuk janë analizuar variacione të ndjeshmërisë të mamografisë në bazë të BMI dhe lidhjes peshë trupore-tumor, e cila ka qëndruar e njëjta edhe për gratë që i nënshtroheshin rregullisht testeve të kontrollit.
