Përshtati në shqip për “Shendeti.com.al“: Blertina Koka
Është përdorur gjithmonë për t’u dhënë shije gatimeve, pa ditur se ajo në vetvete përmban një sërë përfitimesh shëndetësore. Sipas një studimi të fundit të publikuar tek revista “Neuroimmune Pharmacology”, kanella është shumë më shumë se një aromatizues për vaktin e mëngjesit.
Shkencëtarët thonë se ajo mund të përmirësojë edhe aftësinë e të mësuarit tek njerëzit. Si? Erëza shmang ndryshimet biokimike, qelizore dhe anatomike që ndodhin në trurin e njerzëve me aftësi të dobët të të mësuarit.
Këtë e bën duke stimuluar një pjesë të vogël të turirit që është përgjegjëse për gjenerimin, organizimin dhe ruajtjen e memories. Kanella nuk rrit vetëm kapacitetin e trurit të një njeriu për të marrë informacione të reja. Ajo mund të shërbejë edhe si sheqer artificial për të ulur numrin e kalorive.
“Nëse doni të konsumoni diçka të ëmbël, shtoni pak kanellë tek kosi natyral, qumështi ose qulli”, rekomandon dr. Marilyn Glenville, eksperte e dietave.
“Disa studime sugjerojnë se shtimi i kanellës tek ushqimet mund të ndihmojë në mbajtjen nën kontroll të nivelit të sheqerit në gjak”.
Burimi: Daily Mail / https://shendeti.com.al/
