Përshtati në shqip për www.shendeti.com.al: D.Bardhi
Shkencëtarët kanë gjetur se “gjeni dementia” mund të ndikojë në trurin e fëmijës që 3 vitet e para të jetës. Fëmijët e vegjël me një gjen të trashëguar lidhur me sëmundjen Alzheimer kanë vështirësi në të mbajturin mend.
Ky studim i paraprin mjekët që në të ardhmen të identifikojnë se cilët njerëz janë në rrezik më të madh për t’u prekur nga sëmundjet nervore. Një gjen i trashëguar, APOE4, i lidhur me sëmundjen Alzheimer mund të ndikojë në trurin e fëmijës dhe mund të ndikojë në proçesin e kujtesës. Ky gjen mund të kalohet nga njëri apo të dy prindërit.
Shkencëtarët zbuluan se fëmijët me gjenin APOE4 kanë dallime në zhvillimin e trurit, sidomos në ato zona që zhvillohet sëmundja Alzheimer, në krahasim me forma të tjera të gjenit.
Hipokampus, pjesa e trurit që lidhet me kujtesën ishte rreth 5% më e vogël tek fëmijët që kishin të trashëguar gjenin APOE4.
Dr Linda Chang, nga Universiteti i Hawait në Honolulu, tha se rezultatet pasqyruan efekte të ngjashme me njerëzit e moshuar që e kishin këtë gjen. Këta pacientë janë të prirur që pjesa e hipokasmusit të përkeqësohet më shpejt.
Burimi: Daily Mail
