Përshtati në shqip për “Shendeti.com.al”: Blertina Koka
Një profesion stimulues dhe një jetë sociale aktive mund të mbrojë trurin nga impakti negativ i ushqyerjes së pashëndetshme, kanë zbuluar ekspertët. Personat me profesione që kërkojnë të menduar kompleks, sidomos mësuesit, mjekët dhe të tjerë që punojnë me njerëz, janë më të mbrojtur nga sëmundja e alcajmerit.
Një punë e komplikuar mund të mborjë gjithashtu edhe ata persona që kanë rrezik të lartë të preken nga kjo sëmundje për shkak të dietës së varfër.
Një studim i publikuar tek konferenca më e madhe botërore për sëmundjen e dementias, në Toronto, zbuloi se të punuarit me njerëz, në vend të kompjuterëve ose gjërave fizike, ofron më shumë mbrojtje nga kjo sëmundje.
Shkencëtarët kanë dalë në përfundimin se humbja e memories dhe çrregullimet mendore nuk janë në mënyrë të pashmangshme pjesë e moshës, por shkaktohen nga faktorë të tjerë, si mënyra jetesës jo e shëndetshme, duhanpirja, konsumimi i pijeve alkoolike, mungesa e aktivitetit fizik, konsumimi i ushqimeve të pasura me shumë yndyra etj.
Njerëzit që e përdorin trurin e tyre për dekada formojnë një lidhje më të ngushtë midis qelizave të trurit. Nëse goditen nga dementia, shumë lidhje fillojnë të prishen, ndërsa në rastet kur njerëzit kanë aftësi njohëse të mira, nuk i humbasin të gjitha këto lidhje.
Sipas shkencëtarëve, personat më të mbrojtur nga alcajmeri janë ata me profesione mentori, si mësuesit, mjekët dhe punonjësit socialë.
Burimi: Daily Mail / https://shendeti.com.al/
