Sipas një studimi, mënyra se si silleni gjatë gjumit me partnerin tuaj, ka një domethënë të madhe për lidhjen që ju keni. Studiuesit e Universitetit të Herfordshajërit mbikëqyrën 1000 vetë dhe zbuluan se çiftet që mbanin kontakt fizik ndërsa flinin, ishin më të lumtur në marrëdhënien e tyre. Mbi 94% e çifteve që prekeshin ndërsa flinin thanë se ishin të lumtur, ndërsa vetëm 68% e çifteve që nuk prekeshin ndërsa flinin thanë se ishin të kënaqur me marrëdhënien e tyre.
Jo vetëm ajo, distanca fizike ndërsa fle duket se përkthehet në distancë emocionale. Nga 12% e çifteve që flinin me më pak se 2 cm largësi nga partneri i tyre, 86% thanë se ishin të lumtur. Nga çiftet që flinin më shumë se 30 cm larg, vetëm 66% thanë se ishin të lumtur.
“Ky është studimi i parë për mënyrën se si flenë çifte dhe rezultatet u japin mundësi njerëzve të shohin më tepër brenda personalitetit dhe marrëdhënies thjesht duke i pyetur ata lidhur me pozicionet e fjetjes”, tha profesori Riçard Uaisman, psikolog dhe udhëheqës i studimit.
Pozicioni më i zakonshëm i çifteve ishte fjetja me kurriz njëri me tjetrin me 42%. 31% flenë përballë njëri-tjetrit.
Interesant është fakti se sa më shoqëror të jetë një individ, aq më afër fle me partnerin e tij/saj. Ndërsa tipat kreativë janë të prirur të flenë në krah të majtë.
