Përshtati në shqip për “shendeti.com.al”: D.Bardhi
Mëngjesi është vakti më i rëndësishëm i ditës që nuk duhet të lihet asnjëherë pa konsumuar. Studime të shumta ndër vite kanë treguar se personat që hanë mëngjes kanë nivel energjie më të lartë, metabolizëm më të përshpejtuar dhe kanë një peshë më të mirë trupore.
Duhet të keni parasysh që mëngjesi i duhur për të rënë në peshë duhet të jetë i shëndetshëm dhe duhet të përfshijë këto elementë:
Proteinat: ushqimet proteinike ju mbajnë të ngopur gjatë, ulin ndjenjën e urisë dhe ju zvogëlojnë masën dhjamore. Në mëngjes ju duhet të përfshini një nga këto ushqime proteinike: kos, arra, vezë të ziera, gjalp kikiriku apo pluhur proteinik.
Zëvëndësoni ushqimet e ëmbla me frutat: frutat janë të pasura me fruktozë, vitmaina, minerale dhe fibra. Ato ju japin vlerat e domosdoshme ushqyese që në mëngjes. Bashkë me mëngjesin zgjidhni të konsumoni edhe një frut. Qëndroni larg biskotave të ëmbla, brioshëve apo kekëve në mëngjes në mënyrë që të bini në peshë.
Yndyrna të shëndetshme: nëse doni të ndiheni të ngopur për një kohë të gjatë dhe të nxisni tretjen konsumoni pak yndyrna të shëndetshme që në mëngjes. Zgjidhni vaj kokosi, avokado, fara lini, gjalp bajamesh, arra apo fruta të tjera të thata.
Perimet: mos i harroni t’i konsumoni në çdo vakt. Janë të pasura me fibra, minerale dhe vitamina dhe përmirësojnë lëvizjen e zorrëve. Zgjidhni çfarë perimesh të doni për t’i konsumuar në mëngjes, ato janë të ulëta në kalori dhe ju ndihmojnë të bini në peshë.
Tërshëra: është ideale për të rënë në peshë. Ju mban të ngopur gjatë, përmirëson lëvizjen e zorrëve, ju jep energji dhe ju përshpejton metabolizmin. Kombinoni tërshërë me kos me fruta të freskëta dhe të thata dhe 1 lugë gjalp bajamesh.
Burimi: Cure Joy
