Nëse ndiheni të përgjumur së tepërmi kohët e fundit, nuk jeni të vetmit. Sipas Sleep Foundation, përgjumja e tepërt gjatë ditës është në rritje tek një numër i konsiderueshëm personash.
Nëse ndiheni të lodhur apo të përgjumur në pjesën më të madhe të ditës, mund të tregojë për një problem të mundshëm që mund të ndikojë në performancën tuaj gjatë ditës. Ju mund ta gjeni veten duke pasur vështirësi në fokusimin ose marrjen e vendimeve, duke u ndjerë lehtësisht të irrituar dhe të lodhur.
Të qenit i lodhur vazhdimisht mund të ndikojë gjithashtu në shëndetin tuaj të përgjithshëm duke ndikuar negativisht në sistemin tuaj imunitar dhe duke rritur rrezikun e sëmundjeve infektive, obezitetit, diabetit dhe sëmundjeve kardiovaskulare, sipas Mayo Clinic.
Këtu janë pesë arsye të mundshme pse ju ndiheni gjithmonë të lodhur:
1. Privimi i gjumit
Me privim nga gjumi kuptohet çdo reduktim i ndjeshëm i gjumit (por edhe mungesës totale të tij) në jetën e një individi dhe shpjegimi më i drejtpërdrejtë për përgjumjen tuaj gjatë ditës: Ju thjesht nuk po flini mjaftueshëm gjatë natës.
Të rriturit kanë nevojë për shtatë ose më shumë orë gjumë çdo natë. Një mënyrë për të përmirësuar sasinë dhe cilësinë e gjumit është duke praktikuar një rutinë të mirë të gjumit. Kjo përfshin zhvillimin dhe respektimin e një rutine para gjumit; shmangia e ekraneve, vakteve dhe alkoolit afër kohës së gjumit; dhe duke qëndruar aktiv gjatë ditës.
2. Çrregullimi i gjumit
Nëse nuk po flini mjaftueshëm dhe ende ndiheni të lodhur, do të thotë se kjo ka të ngjarë të tregojë se cilësia e gjumit tuaj është e dobët dhe ju duhet të shihni një profesionist të kujdesit shëndetësor për ekzaminimin për një çrregullim të gjumit.
Çrregullimet e zakonshme të gjumit përfshijnë:
- Apnea e gjumit
- Narkolepsia
- Sindroma e këmbëve të shqetësuara
Të gjitha këto mund të trajtohen, kështu që është e rëndësishme të konsultoheni me një mjek.
3. Çështje themelore shëndetësore
Ka gjithashtu çështje shëndetësore që nuk lidhen drejtpërdrejt me gjumin, por që mund të shkaktojnë përgjumjen/lodhjen tuaj gjatë ditës.
- Fibromialgjia (është një infeksion kronik i dhimbshëm, jo-inflamator i aparatit lokomotor)
- Probleme me tiroiden
- Sindroma e lodhjes kronike
- Sëmundja e veshkave
- Anemia
- Lupus (sëmundje autoimune)
- Sëmundja e Parkinsonit
- Sklerozë të shumëfishtë
- Kanceri
- Dhimbje kronike
- Obeziteti
- Çështjet e shëndetit mendor duke përfshirë depresionin, ankthin dhe skizofreninë
Për të përcaktuar nëse një problem shëndetësor themelor është fajtor, mjeku juaj duhet të analizojë zakonet tuaja të gjumit, stilin e jetës, përdorimin e medikamenteve dhe shëndetin e përgjithshëm për të bërë një diagnozë.
4. Mangësitë ushqimore
Ndonjëherë, ajo që mungon në dietën tuaj mund të ndikojë se sa energjikë ndiheni.
- Mungesa e magnezit
- Mungesa e hekurit
- Mungesa e vitaminës D
- Mungesa e vitaminës B
5. Medikamente të caktuara
Ndonjëherë, shkaku themelor i përgjumjes është një ilaç që po merrni për të trajtuar një çështje tjetër shëndetësore. Medikamentet janë një nga faktorët më të zakonshëm që kontribuojnë në përgjumjen gjatë ditës.
Medikamentet e zakonshme që mund të shkaktojnë përgjumje përfshijnë:
- Antihistamines (grup ilaçesh që kanë veprim antialergjik, antiinflamator dhe antiacid)
- Disa antidepresantë
- Antipsikotikët
- Disa ilaçe për presionin e gjakut
- Medikamente kundër ankthit
- Medikamente kundër dhimbjeve
Burimi: EveryDayHealth.com
Përktheu për Gazetën Shëndeti, Griselda Ozuni
