Nga Blerina Bombaj
Dietologe
Asparagët janë ndër perimet më të vjetra dhe më të vlerësuara në botë – përdorur që në kohët e lashta për vetitë e tyre kurative dhe ushqyese. Kjo bimë e hollë dhe elegante nuk është thjesht një shtesë e bukur në pjatë, por një burim i pasur vlerash për organizmin.
Çfarë përmbajnë asparagët?
– Vitamina K (ndihmon në koagulimin e gjakut dhe shëndetin e kockave)
– Vitamina A, C, E dhe grupi i vitaminave B (sidomos folati – i rëndësishëm për gratë shtatzëna)
– Hekur, kalium, kalcium dhe magnez
– Fibrat dietike
– Antioksidantë të fuqishëm si glutationi – që ndihmojnë në pastrimin e trupit nga toksinat
Përfitimet shëndetësore:
– Ndihmojnë tretjen dhe shëndetin e zorrëve falë fibrave
– Përmirësojnë funksionin e veshkave, kanë efekt diuretik natyral
– Mbështesin sistemin imunitar
– Ulin inflamacionin dhe ndihmojnë në pastrimin e trupit nga radikalet e lira
– Mund të ndihmojnë në rregullimin e presionit të gjakut dhe përmirësimin e shëndetit kardiovaskular
Si t’i përdorim në kuzhinë?
Asparagët janë jashtëzakonisht të lehta për t’u përgatitur.
– Pjekini në furrë me pak vaj ulliri, kripë dhe limon për një shije të freskët dhe të lehtë.
– Gatuajini me vezë për një mëngjes të pasur me proteina dhe fibra.
– Shtojini në sallata të ngrohta ose supa për më shumë ngjyrë dhe vlera.
– Kombinojini me peshk, pulë apo vezë të ziera për vakte të balancuara.
