Nga gazeta “Shëndet+”/ www.shendeti.com.al
Asnjëherë nuk duhet t’i nënvlersoni shenjat që lidhen me pamjen, mbasi mund të jenë komplikacion i diabetit. Diagnostifikimi dhe trajtimi në kohë mund të shmangë humbjen e pamjes. Disa simptoma mund të korrigjohen nëpërmjet lenteve standarde (syzeve), të tjera nëpërmjet mjekimit, të tjera 
nëpërmjet kirurgjisë. Problemi më i zakonshëm është retinopatia diabetike, por ka dhe disa gjendje që mund të ndodhin që në momentet e fillimit të diabetit. Manifestime të hershme të dëmtimit të syve janë:
- Ndryshimet kalimtare të refraksionit nga niveli i lartë i glicemisë dhe osmolariteti.
- Katarakti diabetik
- Manifestime të vonshme janë:
- Retinopatia dibetike me ndërlikimet e saj
- Shpejtimi i shfaqjes së kataraktit senile
- Paraliza të nervit okulomotor (që lëviz syrin )
Këto dëmtime të syrit manifestohen me simptoma karakteristike.
Më të zakonshmet janë:
- Ndryshimet e refraksionit (thyerjes së dritës), që shkaktojnë ndryshim të pamjes ose fokusimit.
- Njolla ose mjegullim i pamjes
- Ndjeshmëri ndaj shkëlqimit të dritës
- Perceptim i gabuar i dritës
- Verbim
