Përshtati në shqip për “Shendeti.com.al“: Blertina Koka
Konsumimi i ushqimeve të pasura me yndyrë mund të ulë rrezikun për t’u prekur nga kanceri, diabeti dhe sëmundjet e zemrës, sa kohë që është pjesë e dietës mesdhetare, thonë ekspertët. Një studim 50-vjeçar ka arritur në përfundimin se konsumimi i sasive jo strikte të yndyrës është më e shëndetshme se çdo lloj tjetër yndyre, kur është në mënyrën e duhur.
Shkencëtarët thonë se kriza globale e obezitetit, që për dekada janë fajësuar njerëzit se konsumojnë shumë yndyra, është shkaktuar në fakt për shkak të dietave të pasura me sheqerna dhe ushqime të rafinuara, si buka e bardhë dhe pastat.
Ekipi i studiuesve zbuloi se konsumimi i dietës mesdhetare, e pasur me ushqime të ndryshme, si vaj ulliri, shumë fruta, perime, bishtajore, drithëra, peshk etj, mund të ul rrezikun për t’u prekur nga disa sëmundje të caktuara, krahasuar me dietat tradicionale të vendeve perëndimore, të cilat janë të pasura me sheqerna dhe drithëra të rafinuara.
“Nga studimi zbuluam se dietat e shëndetshme mund të përfshijnë shumë yndyra, sidomos nëse janë yndyra të shëndetshme”, thotë drejtuesja e studimit, dr. Hanna Bloomfield, nga Departamenti Amerikan i Çështjeve të Veteranëve.
Sipas saj, mania e fundit pas dietave me pak yndyra dhe kalori nuk është mënyra më e shëndetshme për t’u ushqyer.
Studime të ndryshme kanë treguar se në realitet jo të gjitha llojet e yndyrave janë të dëmshme, disa yndyra mund të ndihmojnë në mbrojtjen e zemrës dhe për të rënë në peshë.
Këto yndyra “mbrojtëse” përfshihen në dietat tradicionale mesdhetare, si yndyrat e pangopura që gjenden tek vaji i ullirit ekstra i virgjër dhe acidet yndyrore omega 3, tek peshqit dhe frutat e thata.
Sa për krahasim, shumë dieta perëndimore janë të pasura me yndyra të ngopura si gjalpë dhe mish, dhe yndyra të pangopura tek vaji i perimeve.
Burimi: Daily Mail / https://shendeti.com.al/
