Në sezonin e verës, frutat, perimet dhe ushqimet e tjera organike konsumohen më shumë nga të gjithë njerëzit. Ato ju mbajnë të shëndetshëm dhe plot energji përgjatë gjithë ditës pasi përmbajnë proteina të shumta.
Ka shumë arsye pse duhet rritur sa më shumë konsumimi i ushqimeve të cilat nuk kanë nevojë të piqen apo të skuqen për të pasur shije të pëlqyeshme. Disa nga ushqimet që mund të konsumohen të “gjalla” janë frutat, perimet, zarzavatet. Ja disa arsye që mund të merrni për bazë:
Reduktojnë rrezikun për t’u prekur nga kanceri
Kanë përmbajtje mjaft të lartë vitaminash, mineralesh dhe antioksidantësh, si dhe janë më të ulta në toksina në krahasim me ushqimin e gatuar.
Përmbajnë enzima
Janë burim i shkëlqyer enzimash, nxisin tretjen dhe parandalojnë konstipacionin. Enzimat përshpejtojnë tretjen dhe ju ndihmojnë të bini në peshë.
Përmbajnë pak yndyrë dhe kalori
Frutat dhe perimet janë të ulta në yndyrë, sheqer dhe kalori. Nëse keni uri, thjesht përtypni pak nga fruti juaj i preferuar ose hani pak sallatë. Kur është fjala për arra sigurohuni t’i konsumoni me masën e duhur.
Janë të shijshme
Arra, banane, kivi, portokall, ananas, avokado dhe shumë perime të tjera janë tepër të shijshme edhe pa qenë nevoja t’u shtoni kripë apo sheqer për të përmirësuar shijen.
Nuk kushtojnë shumë
Zakonisht gjatë sezonit të dimrit janë të shtrenjta, por në verë mund t’i blini shumë lirë. Sigurisht, frutat dhe zarzavatet kushtojnë shumë më pak se mishi.
Nuk do të mërziteni kurrë me këto ushqime pasi mund t’i kombinoni në mënyra nga më të ndryshmet. Në sallata, lëngje dhe forma të tjera./Përgatiti: Elena Beta
