Ditën e sotme, në ambientet e jashtme të spitalit “Nënë Tereza” një i sëmurë është rrëzuar nga karrigia me rrota në të cilën ndodhej dhe është shtrirë pranë ambulancës.
Ndërkohë që mjekët kërkojnë ta ngrenë, në gjendje shumë të rënduar ai i shan ata dhe nuk i lejon.
Në video dëgjohet tek shan edhe kryeministrin Rama, duke e akuzuar se vetëm për shkak të tij ai është në këtë gjendje.
Raportuesi në vendngjarje, i cili ka dërguar videon pranë JOQ, thotë se nuk e dinë me siguri nëse ishte person me probleme psikike, ishte i dehur, apo i revoltuar për gjendjen në të cilën ndodhej, por pamja ishte shumë e trishtë sot përballë QSUT-së.
