Përshtati në shqip për “Shëndet+”: Daniela Bardhi
Me kalimin e moshës vërehen edhe ndryshime në pamje, sidomos në fytyrë. Me kalimin e viteve, lëkura humbet elasticitetin dhe qëndrueshmërinë e saj. Zona më problematike është pjesa e syve. Aty fillojnë të shfaqen rrudhat e para dhe muskujt e indet përreth syve dobësohen. Si pasojë e kësaj, sytë duken më të fryrë, formojnë rrathë të zinj e qeska poshtë tyre. Qepallat e varura dhe të fryra, përveç se janë një problem estetik ato mund ta bëjnë të vështirë hapjen e syve dhe do t’i lodhin më shumë ato. Provoni këtë mënyrë natyrale për të reduktuar problemet me zonën rreth syve, që mund të vijnë si pasojë e lodhjes apo moshës.
Përbërësit: 1 e bardhë veze, 1 kunjë veshësh.
Metoda: gjëja e parë që duhet të bëni është të pastroni mirë zonën rreth syve. Merrni një kunjë veshësh dhe thithni lëngun e të bardhës së vezës. Mbylleni qepallën dhe aplikojeni butësisht të bardhën e vezës nëpër qepallë. Mbajini sytë mbyllur derisa e bardha e vezës të letë tharë plotësisht dhe të krijojë kore. Shpërlajeni fytyrën me ujë të vakët dhe aplikoni krem hidratues në zonën e syve. Aplikojeni këtë mënyrë 2 herë në javë./ Burimi: healthdigezt
