Në këtë stinë virozat janë si gjithmonë në pikun e tyre dhe kjo është e pashmangshme, ndaj mjekja Anjeza Kuci foli në emisionin “Klinika 24” rreth këtij shqetësimi, duke nxitur njerëzit që të kenë kujdesdhe të mbrohen. Kur flasim për virozat, i referohemi gripit, virusit A, B, virusit respirator apo adenoviruset.
Mjekja tha se duhet treguar kujdes dhe për bajamet, që mund të jenë një shqetësim i vazhdueshëm për njerëzit. Është e rëndësishme që të bëhen kontrollet e duhura në kohë për të dalluar infeksionin bakterial në kohë, duke nisur sa më parë trajtimin kur duhet me antibiotik.
Mjekja tha, se bajamet duhen hequr vetëm nëse bëhet e pamundur kurimi i tyre. Mjekja foli dhe për bllokimet e shpeshta të veshëve dhe hundëve nga shqetësimet që vijnë për shkak të uljeve të temperaturës.
Në fund mjekja tha se nuk duhet të drejtohemi tek antibiotiku direkt, por duhet të shohim sesi reagon trupi javën e parë, e më pas me këshillën e mjekut mund të merret.
