Parandalimi i diabetit do të thotë të veprosh herët dhe të njohësh shenjat përpara se të kthehet në një problem serioz.
Çfarë është diabeti?
Diabeti është një gjendje shëndetësore afatgjatë, që ndikon në mënyrën se si trupi juaj e kthen ushqimin në energji.
Diabeti është një ndërprerje në mënyrën se si trupi juaj përdor insulinën.
Ushqimi ndahet në sheqer dhe lëshohet në qarkullimin e gjakut, i cili sinjalizon pankreasin të lëshojë insulinë. Ka dy lloje të diabetit, e para kur një person me diabet nuk krijon mjaftueshëm insulinë të quajtur Tipi 1 dhe e dyta ku trupi juaj nuk reagon siç supozohet me insulinën e quajtur Tipi 2. Të dyja mund të lënë shumë sheqer në qarkullimin e gjakut.
Shenjat e diabetit
“Simptomat tipike të diabetit janë vërtet të lehta për t’u injoruar,” thonë ekspertët.
Në fakt, sipas Qendrës për Kontrollin dhe Parandalimin e Sëmundjeve (CDC), një në pesë njerëz me diabet nuk e di as që e kanë atë. Kujdesuni për simptomat e diabetit.
Urinim i shpeshtë
Urinimi i shpeshtë është një nga treguesit kryesorë të diabetit. Kur ka shumë sheqer në gjak, veshkat tuaja detyrohen të punojnë më shumë për të hequr qafe sheqerin e tepërt. Veshkat prodhojnë më shumë urinë për të nxjerrë sheqerin shtesë nga trupi. Kështu, nevoja për të përdorur shumë banjën mund të jetë treguesi i parë i diabetit.
Goja e thatë dhe etja e tepruar
Tharja e gojës dhe etja e tepërt shkojnë paralelisht me urinimin e shpeshtë. Ju mund të mendoni, “Është nxehtë” ose “Unë thjesht nuk kam pirë mjaftueshëm ujë sot.” Kjo është një pjesë normale e jetës. Por nëse është një etje e vazhdueshme ose e kombinuar me nevojën për të urinuar shpesh, mund të jetë mënyra se si trupi juaj tregon se nuk po prodhoni mjaftueshëm insulinë.
Lëkurë e thatë
Me diabetin, lagështia e lëkurës mund të jetë e vështirë të balancohet. Nëse vëreni se lëkura juaj është tharë, veçanërisht këmbët, kujdesuni për simptoma të tjera të diabetit.
Plagë që shërohen ngadalë
Përmbajtja më e lartë e sheqerit në gjak tek një person me diabet mund të ndërhyjë në aftësinë e trupit për të shëruar plagët. Kjo mund të jetë veçanërisht e rrezikshme nëse keni diabet të padiagnostikuar, pasi diabeti mund të shkaktojë dëmtime nervore. Meqenëse është më i vështirë rikuperimi i plagëve, ju keni shumë më shumë gjasa të zhvilloni një infeksion.
Pamje e paqartë ose vështirësi në shikim
Disa njerëz vënë re një problem me shikimin e tyre, ndaj shkojnë te mjeku okular. Pas një ekzaminimi të syve, ata mësojnë se nuk është aspak problem syri. Turbullira, humbja e shikimit ose shikimi i njollave të errëta mund të tregojnë diabetin.
Humbja e peshës
Humbja e papritur e peshës, veçanërisht kur nuk po përpiqeni të humbni peshë, shpesh është një tregues se diçka nuk është në rregull. Mund të jetë asgjë, por mund të jetë një shenjë e hershme e diabetit.
Shenjat e diabetit tek femrat dhe meshkujt
Shenjat e diabetit tek burrat dhe gratë kanë tendencë të jenë mjaft të ngjashme.
Ndërsa shumë burra dhe gra kanë të njëjtat shenja – si ato të listuara më sipër – ka disa shenja që mund të jenë të ndryshme tek burrat dhe gratë.
Gratë me diabet kanë më shumë gjasa të përjetojnë infeksione vaginale dhe infeksione të traktit urinar. Gratë me sindromën e vezores policistike kanë gjithashtu më shumë gjasa të kenë diabet.
Burrat me diabet që nuk trajtohet kanë më shumë gjasa të përjetojnë humbje të masës muskulore.
Faktorët e rrezikut të diabetit dhe prediabeti
Disa faktorë e vënë një person në një rrezik më të lartë të zhvillimit të diabetit, duke përfshirë:
- Plakjen
- Tensionin e lartë të gjakut
- Të qenit mbipeshë
- Të pasurit e një anëtari të familjes me diabet
- Të paturit e diabetit gestacional
Mjekët inkurajojnë këdo që bën pjesë në kategorinë e rrezikut të lartë, që të bëjë testin e glukozës përpara se të shfaqen shenjat e diabetit. Prediabeti zakonisht i paraprin diagnozës së diabetit. Nëse jeni në gjendje të kapni diabetin në këtë fazë, është shumë më e lehtë të vononi diabetin ose ta shmangni atë krejtësisht./shendeti.com.al
