Përshtati në shqip për gazetën “Shëndet+”: D.Bardhi
Një regjim i shëndetshëm ushqimor dhe stërvitje e rregullt janë kyçi i rënies në peshë. Yndyra e akumuluar rreth zonës së barkut është më e lehta për t’u krijuar dhe më e vështira për t’u hequr.
Ja ushqimet që duhet të shmangni nëse doni të bini në peshë dhe të keni një bark të sheshtë:
Bulmetin: shmangni qumështin me shumë yndyrë dhe nënproduktet e tij. Gjalpi, djathi etj janë të vështira për t’u tretur dhe shkaktojnë fryrje të stomakut e gazra.
Kafja: është e vërtetë që kafja përshpejton metabolizmin dhe nxit rënien në peshë, por në disa raste ajo nuk funksionon. Kafja ka dhe një anë të “errët” të saj, ajo shkakton mbajtjen e ujit në trup. Nëse doni të keni bark të sheshtë e këmbë të holla, menjanojeni për pak kohë konsumimin e kafes.
Kripa: shkakton mbajtjen e ujit në trup dhe fryrje të stomakut. Shmangni ushqimet e paketuara dhe ato me shumë kripë.
Erëzat djegëse: stimulojnë sekretimin e lëngjeve të stomakut dhe shkaktojnë siklet e acarim të tij. Aditivët e gjendura në erëzat djegëse nxisin akumulimin e yndyrës në bark.
Karbohidratet: makaronat, bukën, ëmbëlsirat dhe ushqimet e tjera me karbohidrate e bëjnë më të vështirë procesin e djegies së yndyrës.
Mos harroni t’i thoni “PO” frutave: janë të pasura me fibra, vitamina, minerale dhe fruktojzë. Sigurohuni të zgjidhni fruta që përshpejtojnë metabolizmin dhe djegien e yndyrës të tilla si kivi, qitro etj.
Burimi: Step to Health
