Një shef i keq është po aq i dëmshëm për shëndetin saç është edhe duhanpirja pasive. E thonë këtë shkencëtarët e Shkollës së Biznesit të Harvardit në Universitetin e Stenfordit. Sipas tyre, në Shtetet e Bashkuara janë kryer mbi 200 studime 
dhe analizimi i tyre ka treguar se stresi në punë mund të ketë për shëndetin të njëjtin efekt negativ si duhanpirja pasive.
Rezultatet e studimit u mblodhën dhe u publikuan fillimisht në LinkedIn dhe më pas në revistën “Quartz” dhe nga “BBC”.
Sipas Shoqatës së Psikologëve Amerikanë, 75% e punonjësve amerikanë citojnë shefin e tyre si shkakun më të madh të stresit në punë. Për këtë arsye 27% e tyre e lë punën për një vend tjetër pune, ndërsa 11% e lënë punën edhe pa gjetur një alternativë tjetër. Ndërkohë 59% e punonjësve vazhdojnë të punojnë në të njëjtin vend.
Pas shefit në listën e stresit vendin e zë humbja e punës (50%), ndërkohë që për 35% mendojnë se stresin ua shkakton fakti që nuk janë në pozicionin e duhur të punës. /Përgatiti për Shëndet+: Gridi Shehu
