Përshtati në shqip: Ilma lamçe
Nuk është një përshtypje: stimuli bëhet më urgjent nëse jemi nën presion. Ja disa shpjegime të besueshme.
Nëse mendoni se duhet të shkoni në tualet në situata më pak të nevojshme, nuk jeni të vetmit. Por pse ndodh kjo? Në një gjendje qetësie, kur nuk jemi të shqetësuar, fshikëza është e relaksuar dhe e gatshme për të mbledhur urinën e prodhuar nga veshkat. Në të kundërt, muskuli i jashtëm unazor, i cili parandalon urinimin, është kontraktuar dhe siguron që nuk ka humbje të padëshiruar.
NJË BANJO, TANI!
Një fshikëz e shëndetshme mund të mbajë reth 2 gota 473 mililitra të urinës. Kur është e plotë ajo dërgon një sinjal në tru përmes palcës kurrizore për të paralajmëruar se koha ka ardhur. Kur jemi gati për të liruar veten, fshikëza kontraktohet, muskuli i jashtëm zbutet dhe urina mund të përhapet. Një situatë stresi ose acarimi mund të ndikojë te ky mekanizëm. Arsyeja nuk është tërësisht e qartë, por hipotezat kryesore janë dy.
1.NË RREZIK. E para është se stresi na vendos në një situatë sulm ose arratisje: adrenalina e liruar mund të marrë stimulin më urgjent se zakonisht apo edhe të rrisi prodhimin e urinës nga veshkat. Në praktikë, sistemi nervor qëndror vepron në një nivel më të lartë të ndjeshmërisë dhe merr më pak kohë për të aktivizuar refleksin.
2.HIPERKONTRATI. Hipoteza e dytë është që tensioni i muskulit të përgjithshëm përballet me muskulin e fshikëzës duke e bërë të nevojshme vajtjen në tualet. Ajo që duhet të bëni në rastet kur nuk mund të urinoni, është të provoni të hiqni mëndjen dhe të relaksoni muskujt e gjithë trupit./focus.it
