Ilaçi i impotencës Viagra mund të jetë një trajtim i dobishëm kundër sëmundjes së Alzheimerit, thonë studiuesit amerikanë që kanë studiuar efektet e saj në tru.
Testet në qeliza sugjerojnë se ilaçi synon disa nga proteinat që grumbullohen në këtë lloj demence. Ekipi i Cleveland-it gjithashtu analizoi një bazë të dhënash me 7 milionë pacientë dhe zbuloi se burrat që merrnin ilaçin kishin një rrezik më të ulët të Alzheimerit.
Më shumë studime mbi të ia vlen, thonë ata në revistën Nature Aging. Puna si kjo është emocionuese, thonë ekspertët, sepse ripërdorimi i një ilaçi ekzistues mund të jetë më i shpejtë, më i thjeshtë dhe më i lirë sesa gjetja dhe zhvillimi i një trajtimi krejt të ri.
Mjeku udhëheqës i studimit, Cheng, thotë:”Ne zbuluam se përdorimi i viagrës zvogëloi rrezikun e Alzheimerit tek njerëzit me sëmundje koronare të zemrës, hipertension dhe diabet të tipit 2.” Megjithatë studiuesit theksuan nevojën për prova klinike të rastësishme, të kontrolluara nga placebo në të dy gjinitë për të konfirmuar efektivitetin e ilaçit kundër sëmundjes së Alzheimerit.
Siç vuri në dukje Dr. Cheng, për shkak se gjetjet e studimit tregojnë aktualisht vetëm një korrelacion midis përdorimit të viagrës dhe rrezikut të reduktuar të Alzheimerit, është duke u zhvilluar një provë klinike e rastësishme e fazës 2 për të testuar marrëdhënien shkak-pasojë dhe për të konfirmuar përfitimet klinike të këtij ilaçi.
Gjithashtu po shqyrtohet mundësia e përdorimit të ilaçit në sëmundje të tjera neurodegjenerative si Parkinson dhe sklerozë.
Viagra e njohur edhe si sildenafil, fillimisht u krijua si një ilaç për zemrën për shkak të efekteve pozitive, në përmirësimin e qarkullimit të gjakut, duke relaksuar ose zgjeruar enët e gjakut. /BBC
