Një studim i ri sugjeron se mund të ketë një lidhje gjenetike mes dhimbjes së menstruacioneve dhe depresionit.
Për këtë studim, hulumtuesit shqyrtuan të dhënat gjenetike të rreth 600,000 njerëzve me prejardhje evropiane dhe 8,000 individëve nga Azia Lindore. Ata identifikuan disa gene që duket se luajnë një rol si në depresion, ashtu edhe në dhimbjen e menstruacioneve, sipas gjetjeve të botuara në Briefings in Bioinformatics.
Studimi zbuloi se njerëzit me depresion kanë 51 përqind më shumë mundësi të përjetojnë dhimbje menstruacionesh. Në veçanti, individët që kanë depresion dhe pagjumësi, një simptomë e zakonshme e këtij çrregullimi të humorit, kishin 3 herë më shumë mundësi të vuajnë nga dhimbja e menstruacioneve krahasuar me ata që nuk kishin depresion.
“Te njerëzit me depresion, ndryshimet në nivelet e hormoneve dhe transmetuesve të nervave mund të ndikojnë në mënyrën se si trupi proceson dhimbjen,” thotë autori kryesor i studimit, Dr. John Moraros.
Megjithatë, studimi nuk gjeti një rrezik të shtuar për zhvillimin e depresionit te individët që përjetojnë dhimbje të rënda menstruacionesh, të quajtur gjithashtu dismenore.
“Mungesa e një lidhjeje shkaku mes dhimbjes së menstruacioneve dhe depresionit mund të vijë nga natyra e mënyrës se si këto kushte ndërveprojnë biologjikisht,” thotë Dr. Moraros.
“Dismenorea mund të shkaktojë shqetësim dhe stres, por nuk duket të ketë të njëjtin ndikim të thellë në shëndetin mendor siç ka depresioni në simptomat fizike.”
Një kufizim i studimit është se hulumtuesit shqyrtuan vetëm mundësitë e lidhjes gjenetike mes depresionit dhe dhimbjes së menstruacioneve, dhe jo faktorët e tjerë që mund të luajnë një rol në këto eksperienca, si nivelet e stresit, zakonet e ushtrimeve, ose kushtet mjekësore që mund të jenë të pranishme.
Gjetjet gjithashtu ndryshojnë nga disa hulumtime të tjera të fundit. Një analizë e të dhënave të mbledhura nga 10 studime me rreth 4,700 pjesëmarrës gjeti se njerëzit me dismenore kishin 72 përqind më shumë mundësi të zhvillonin depresion krahasuar me ata që nuk kishin dhimbje menstruacionesh.
Si të ulni dhimbjet e menstruacioneve kur keni depresion
“Përmirësimi i depresionit dhe gjumit mund të sjellë një intensitet më të ulët të dhimbjes së menstruacioneve për një pjesë të madhe të grave,” thotë Dr. Gammoh. Kjo mund të përfshijë një gamë ndërhyrjesh, si terapianë grup, ndryshimet në stilin e jetesës ose përdorimi i medikamenteve, shton ai.
