Një studiues i Harvardit ka pohuar se tre fruta të njohura mund të jenë të dëmshme për shëndetin tuaj dhe të shkaktojnë shtim në peshë.
Dr. Nick Norwitz, një studiues i shëndetit metabolik, pretendon se përmbajtja e lartë e sheqerit në disa fruta mund të jetë e dëmshme dhe madje mund të rrisë rrezikun e zhvillimit të kancerit-një pikëpamje e diskutueshme, që nuk mbështetet nga prova të forta.
Ai diferencoi mangon, rrushin dhe jackfruit për shkak të niveleve të larta të fruktozës – sheqerna natyrale – në krahasim me frutat e tjera, të cilat mund të shkaktojnë ‘dëmtim në zorrë dhe në mëlçi’.
“Fruta të ndryshme kanë veti të ndryshme, që ndërveprojnë me veçoritë unike të individëve.”
Dr.Norwitz tha se mango ka nivelet më të larta të fruktozës – me rreth 30 gramë në një mango me madhësi të plotë, në krahasim me një mollë që ka rreth 12.5 g.
Ai citoi një studim të vitit 2021 të botuar në Nature, që gjeti prova të konsumit të tepërt të fruktozës me një rrezik më të madh të obezitetit dhe kancereve të lidhura me to, si kanceri kolorektal.
Shkencëtarët ekzaminuan gjithashtu efektet e fruktozës në qelizat e kancerit kolorektal dhe zbuluan se ajo mund të nxisë rritjen e tumorit, duke ndihmuar qelizat toksike të jetojnë më gjatë në trup.
Ndërsa disa studime sugjerojnë se fruktoza mund të shkaktojë dëme, një rishikim i literaturës së vitit 2014 nga Instituti Kombëtar i Mjekësisë zbuloi se, fruktoza nuk ka efekte specifike në trup, që mund të shkaktojnë shtim në peshë në krahasim me konsumimin e sheqerit nga burime të tjera.
Në fakt, ekspertët e Shoqatës Amerikane të Zemrës, theksojnë se mango ka më shumë se 20 vitamina dhe minerale, duke përfshirë doza të larta të vitaminave A dhe C, përmbajtje të lartë të fibrave dhe antioksidantë, që janë ‘të dobishëm për parandalimin e kancerit të zorrës së trashë, sëmundjet e zemrës dhe kontrollin e peshës’.
Frutat në përgjithësi janë gjithashtu shumë të dobishme për lëvizjet e rregullta të zorrëve dhe tretjen për shkak të përmbajtjes së tyre të lartë të fibrave dhe janë të mbushura me vitamina që ndihmojnë në përmirësimin e shëndetit të syve, forcojnë sistemin imunitar përmes antioksidantëve dhe rregullojnë presionin e gjakut.
Fruktoza është një sheqer që gjendet natyrshëm në fruta, disa perime dhe mjaltë.
Pas mangos, Dr Norwitz më pas vuri në dukje se jackfruti ka rreth 15.2 gram fruktozë në një filxhan, në krahasim me një filxhan boronica që ka vetëm 7.6 gram.
Shkencëtarët arritën në përfundimin se ekstrakti i gjetheve të jackfruit përmban flavonoidë që mund të ndihmojnë në parandalimin e vdekjes së qelizave në pankreas, i cili është organi që prodhon insulinën, prandaj rrisin prodhimin e insulinës në trup dhe reduktojnë sheqerin në gjak.
Ulja e papritur e sheqerit në gjak mund të shkaktojë vështirësi në përqendrim, marramendje, dhimbje gjoksi dhe konvulsione. Në afat të gjatë, mund të shkaktojë edhe dëmtim të trurit dhe ndonjëherë edhe humbje jete.
Përkundër kësaj, jackfruti njihet si burim i mirë i vitaminës C, që është një antioksidant i fuqishëm thelbësor për një sistem të shëndetshëm imunitar.
Ata janë gjithashtu të njohur për prodhimin e substancave të quajtura fitokimikate (komponime kimike me bazë bimore), të tilla si flavonoidet, saponinat dhe taninet që kanë përfitime kundër kancerit, të tilla si parandalimi i formimit të qelizave kancerogjene në trupin tuaj.
Edhe pse ka fituar reputacion si zëvendësues i mishit të derrit apo pulës në shumë pjata kryesore, jackfruti nuk mund të konkurrojë me këto produkte shtazore për sa i përket proteinave.
Së fundmi, eksperti i metabolizmit paralajmëroi për rreziqet e rrushit për shkak të përmbajtjes së lartë të sheqerit.
Pavarësisht ngjyrës, rrushi ka 12.3 gram fruktozë në krahasim me një banane me vetëm 5.7 gram fruktozë.
Ngrënia shumë rrushit mund të bëjë që trupi të mos thithë fruktozën në mënyrë efikase dhe të çojë në fryrje, gazra dhe shqetësime në stomak, veçanërisht nëse hahet me stomak bosh. Përveç kësaj, taninat në rrush mund të irritojnë mukozën e stomakut, duke shkaktuar potencialisht siklet dhe diarre te disa njerëz.
Por, hulumtimet e mëparshme kanë treguar se konsumimi i rrushit mbështet shëndetin e zemrës dhe përmirësimin e kujtesës.
Disa fruta me pak fruktozë përfshijnë manaferrat, kivi, agrumet dhe frutat jo të ëmbla, me pak karbohidrate si kokosi, avokado dhe ullinj.
Rekomandohet që të rriturit të hanë 1,5 deri në 2 gota fruta në ditë.
