Varësia nga seksi mund të aktivizojë në tru mekanizma të njëjtë me ata që aktivizohen në rastet e varësissë nga droga, deri në pikën që reagimi 
ndaj stimujve seksualë si pornografia të jetë i njëjtë me atë të një personi të varur nga droga në momentin kur sheh drogën. Një fakt i tillë është publikuar në revistën “Plos One” dhe studimi është kryer nga psikiatrët e universitetit britanik të Kembrixhit.
Sjellja seksuale kompulsive mund të prekë 1 në 25 persona me shkallë të ndryshme dhe me vështirësi për të jetuar një marrëdhënie normale. Këta persona mund të jenë tërësisht të fiksuar pas seksit në pikën që nuk mund të rrinë dot pa menduar dhe dëshiruar aktivitetin seksual në çdo kohë të ditës. Kërkuesit kanë përdorur rezonancën magnetike për të analizuar reagimet e trurit të dy grupeve të marra në studim (grupi i parë me një jetë seksuale normale dhe grupi i dytë me sjellje seksuale kompulsive). Të dy grupet u vunë para videove pornografike dhe videove seksuale neutrale. Rezultoi se videot pornografike aktivizonin tek grupi me sjellje seksuale kompulsive të njëjtat zona të të trurit siç i aktivizon droga të varurit prej saj.
