Urgjenca e spitalit rajonal të Shkodrës përballet në këto ditë të para të vitit të ri me numër të lartë të vizitave. Mjekja e urgjencës, Ervisa Abdyli, thotë se brenda 12 orëve kryhen 100 vizita, teksa janë shtuar gjendjet virale.
Ajo thekson se në këto ditë të para të vitit 2022 ka pasur shumë raste të djegieve me fishekzjarre. Duke iu referuar situatës së Covid-19, ajo i bën apel qytetarëve që të kenë kujdes në grumbullimet dhe të marrin masa.
“Qytetarët të kenë kujdes, të shmangin kontaktet e afërta, grumbullimet. Duhet të marrin masa që mos të paraqiten vonë në spital.
Janë paraqitur shumë gjendje virale të cilat i adresojnë tek urgjenca e infektivit, shumica e të cilve dalin tampon negativ. Situata ka një shtim të rasteve, rreth 100 vizita në 12 orë. Më shumë janë shtuar gjendjet virale që urgjenca jonë i adreson në infektiv kur janë me temperaturë.
Ditët e para të vitit kemi pasur djegie me fishekzjarre dhe ato që janë më të shpeshta, hipertension etj”, tha mjekja e urgjencës, Ervisa Abdyli.
