Gazetare: Klevisa GJIKA
Ulja e numrit të të infektuarve në Itali ka qetësuar shtetin fqinj gjatë pas periudhës post – karantinim. Megjithatë, shtimi i rasteve të të prekurve të ardhur nga vendet e tjera ka frikësuar italianët për një rikthim të koronavirusit. Kjo vlen sidomos për vendin tonë, ku vetëm gjatë 24 orëve të fundit janë konfirmuar 13 raste pozitive. Guvernatori i Toskanës, Enrico Rossi, ka kërkuar që qeveria italia të marrë sa më shpejt situatën nën kontroll për shmangien e një përhapjeje tjetër kërcënuese.
“Qeveria duhet të ndërhyjë, në veçanti ministritë e Brendshme dhe Shëndetësisë. Nëse gjurmimi i pasagjerëve dhe mbikëqyrja aktive e tyre nuk është e mundur, do të ketë vetëm një mundësi: bllokimin direkt të fluturimeve”, shprehet Rossi.
Guvernatori i rajonit të Toskanës ka kontaktuar me konsullatën e Shqipërisë, duke i kërkuar të kontrollojë udhëtarët, që të respektojnë masat, si dhe duke urdhëruar rikthimin e detyrueshëm 14 ditor të karantinës.
