Denisa Canameti / Shendeti.com.al
U bë i njohur sot përmes medias rasti i një 21-vjeçarje nga Fushë Kruja, e cila kishte shkuar në një nga martenitetet e Tiranës për të lindur. Fatkeqësisht, pas ndërhyrjes së mjekëve, fëmija është nxjerrë në gjendje të vdekur. (Lexo lajmin)
Deklarata e policisë për median nuk ka sqaruar shkaqet e vdekjes së fëmijës dhe gjendjen e nënës.
Të kontaktuar nga gazeta “Shëndet+”, mjekët e maternitetit ku ka shkuar për të lindur gruaja hedhin dritë mbi çështjen në fjalë.
‘Nëna ka pirë një sasi të lartë ilaçesh dhe ka prerë damarët. Mjekët kanë ndërhyrë për të shpëtuar fëmijën, por fëmija ka lindur i vdekur. Nëna është në reanimacionin e QSUT- së, në dializë për shkak se veshkat nuk i filtrojnë më. Është në gjendje kritike për jetën. Fëmija ka vdekur si pasojë e tentativës për vetëvrasje të nënës’, thanë mjekët./ https://shendeti.com.al/
