Një person ka mbetur i lënduar si pasojë e rënies nga teleferiku në Brezovicë gjatë ditës së sotme. Rasti ka ndodhur disa orë më parë dhe raportohet se 30 vjeçari ka marrë lëndime në kokë.
Më pas ai është transferuar në Emergjencën e Ferizajt dhe është jashtë rrezikut për jetën.
Zëdhënësi i policisë për rajonin e Ferizajt, Agim Gashi, u shpreh:
“Kemi pranuar informacionin se një person aksidentalisht është rrëzuar nga teleferiku. Policia me ndihmë të qytetarëve i kanë ofruar ndihmën e nevojshme. Sipas mjekëve gjendja është stabile, por që ka lëndime të marra. Personi në fjalë është transferuar për në Emergjencën e Ferizajt”.
