Meshkujt duhet të bëjnë vetëkontrollin e testikujve, ashtu siç gratë bëjnë me gjirin, në mënyrë që të zbulojnë anomalitë që mund të çojnë në tumore. Kjo gjë konfirmohet nga ekspertët gjatë Kongresit të Shoqatës Evropiane të Urologjisë, e mbajtur në Madrid më 24 mars 2015, të cilat kanë dhënë edhe 
pesë lëvizje jetëshpëtuese për diagnozën.
Tumori i testikujve, – shpjegon Vinçenco Mirone, sekretar i Përgjithshëm i Shoqatës Italiane të Urologjisë, – është neoplazia (rritje jonormale e indeve) më e shpeshtë mes meshkujve të moshës 25-49 vjeç”.
Një nga pesë rregullat e përcaktuara parashikon mbajtjen e testikujve, një herë njërin, pastaj tjetrin, në pëllëmbën e dorës; hapi i dytë është ekzaminimi duke rrotulluar me avash midis gishtit të madh dhe tregues, me të dyja duart. Lëvizja e tretë përfshin ndjeshmërinë e mollëzave të gishtave, që duhet të kërkojnë për gunga të forta ose fryrje të buta apo të çdo gjëje tjetër jo normale. Hapi i katërt nënkupton një kryerje periodike të kësaj procedure, pasi për të qenë i efektshëm ky kontroll duhet kryer rregullisht çdo muaj pas një banjoje të ngrohtë, pasi në atë kohë qesja e testikujve është më e qetë. Së fundmi është edhe kujdesi që ky kontroll të fillojë sa më herët./ ANSA
