Viktoria Naço, dietologe-nutricioniste
Ushqim i shëndetshëm nuk do të thotë ushqim pa shije, por ushqim me shumë vlera për trupin tonë.
Nëse doni vërtet të kujdeseni për shëndetin tuaj atëherë do të mendoni gjithmonë se çfarë vlere është duke ju ofruar vakti juaj!
Çfarë do të thotë ushqim i shëndetshëm?
1) Përkujdesja e cilësisë së yndyrës që përdorni në gatimin tuaja. Vaji i ullirit do të ishte një alternativë shumë e mirë për ta përdoruar jo vetëm në sallatat tuaja, por edhe në gatimet.
2) Çdo vakt duhet të përmbajë 1/2 e pjatës sonë me perime dhe fruta. (Kujdes! Sasia ditore e perimeve duhet të jetë gjithmonë më e madhe se ajo e frutave. Perimet dhe frutat duhet të jenë gjithnjë të stinës)
3)1/4 e pjatës sonë duhet të përmbajë drithëra integrale (Kujdes! Duhet të evitohen drithërat e rafinuara). Produkte me drithëra integrale: tërshëra, buka integrale, oriz integral, makarona integrale, biskota etj.
4) Dhe 1/4 tjetër e pjatës sonë duhet të përmbajë proteine bimore ose shtazore. (Kujdes! Përtë evituar yndyrën shtazore të tepërt duhet të kontrolloni sasinë e produkteve, pra të mos i konsumoni në masë të madhe dhe sigurisht të preferoni ato produkte që përmbajnë yndyrë në përqindje më të ulët.
Bulmet: preferoni atë të skremuar, largoni masën e dhjamin nga mishi i kuq, lëkurën te mishi i pulës dhe zëvendësoni proteinën shtazore me atë bimore duke konsumuar më shpesh perimet.
5) Dhe mos harroni 2-3 litra ujë çdo ditë!
