Nga mjeku urolog Rezar Rusi
Humbja e dëshirës seksuale zakonisht ka një element psikologjik në të edhe kur shkaku është fizik. Në këto raste përdorimi i psikoterapisë mund të zgjidhë problemin. Një tjetër trajtim që duhet patur parasysh, është menaxhimi i ankthit, i cili mund të konsistojë në kryerjen e ushtrimeve të frymëmarrjes dhe atyre relaksuese.
Njëkohësisht ekzistojnë dhe një sërë veprimesh të tjera që ndihmojnë në shtimin e dëshirës seksuale:
– Aktiviteti fizik. Ecja, vrapimi me partneren ose vetëm, bëjnë që personi të ndihet më i fortë fizikisht, më vital, duke u reflektuar edhe në aktivitetin seksual.
– Përdorimi i imagjinatës. Çifti duhet të përdorë literaturë dhe video erotike që përmbajnë fantazi, qoftë femërore, qoftë mashkullore.
– Marrja e masave paraprake për të luftuar mungesën e dëshirës seksuale. Ideja e një seksi spontan është e bukur, por çdo njeri që është në punë dhe ndeshet me problemet reale të jetës mund të mos ketë në dispozicion gjatë ditës orët e mjaftueshme për t’u eksituar. Për këtë duhet bërë një plan paraprak. Për shembull, duhet përfituar kënaqësi nga gjëra të vogla, si duke i dhënë partneres një dhuratë të vogël, duke vënë një muzikë të bukur që në mëngjes, duke mbyllur telefonat, duke larguar fëmijët nga mjedisi ku çifti qëndron për t’u mos u ndërprerë etj.
– Të fokusohet në tërësinë e trupit. Tendenca e meshkujve është të përqendrohen në mënyrë disproporcionale të organet genitale. Fokusimi në pjesë të tjera erogene të trupit përmirëson performancën dhe shton një kënaqësi të re.
– Të dalësh me miq. Nëse shkon për darkë me shoqëri, ju mund ta shihni partneren me një sy tjetër. Ju do ta kujtoni atë se sa interesante dhe eksituese ishte ajo. Të njëjtën gjë do të ndiejë edhe partnerja. Kjo situatë interesante bën të shtohet dëshira për marrëdhënie seksuale./ Gazeta Shëndet+
