Blerina Bombaj, dietologe
Ja si duhet të ngjajë ushqimi ditor për personat që vuajnë nga presioni i lartë i gjakut dhe mbipesha:
Mëngjes: 1 lëng portokalli të shtrydhur + 3 lugë të mëdha tërshërë të zier me qumësht me pak yndyrë dhe kanellë
Paradite: pak bajame + 2 kajsi të thata ose 1 kivi
Drekë: 200gr peshk furre me qepë, domate & dafinë + 2 patate të vogla me lëkurë + 2 feta të holla bukë thekre me vaj ulliri + sallatë jeshile me domatina, vaj ulliri & uthull + luleshtrydhe me gjizë
Pasdite: tarator me kos me pak yndyrë + fara kungulli
Darkë: omletë me 1 vezë fshati, gjizë dhe 4 lugë të mëdha bizele + sallatë rukola, jeshile, fije preshi, pak gjoks pule, arra & djathë dhie pa kripë
Para gjumit (rreth 1 orë e gjysmë): 1 gotë qumësht pa yndyrë + 1/2 banane
Kjo dietë, e pasur në kalcium, magnez, kalium dhe e varfër në kripë rezulton shumë e dobishme dhe me përmirësim të dukshëm të presionit të gjakut.
Kini kujdes! Kjo dietë shërben si shembull. Çdo person duhet të flasë me mjekun (dietologun) për ta përshtatur.
