“Asnjë shampo, sado cilësore të jetë, nuk mund të kompensojë një dietë ushqimore jo të mirë”, shprehet mjekja Sara Allison. “Shumë persona me flokë të dobët apo probleme me skalpin, në fakt kanë mungesë vitaminash dhe mineralesh, kështu që gjëja e parë që duhet bërë është të ndryshojnë mënyrën e të ngrënit”.
Flokët kërkojnë një furnizim të rregullt me proteina, glukozë, vitamina dhe minerale në mënyrë që të rriten të shëndetshëm. Dhe në fakt flokët janë të parët që shfaqin probleme nëse një person nuk ushqhet siç duhet. Me fjalë të tjera, flokët e dobët, majat e çara, zbokthi mund të jenë thjesht shenja që nuk po ushqeheni siç duhet. Kështu që në vend se të harxhoni para me produkte kozmetike për flokët, është mirë të mbushni pjatën me ushqime të shëndetshme.
Vezë për më shumë volum
Mendojini vezët si maskë flokësh e ngrënshme. Ato përmbajnë përbërës që rrisin volumin e vlokëve, të tilla si proteinat, vitamina B dhe vitamina D. Biotina mbështet prodhimin e kreatinës duke rritur elasticitetin dhe fortësinë e flokëve. Kështu që nëse flokët tuaj janë të prirur për të dobësuar, kullufisni një omletë.
Midhjet pastrojnë zbokthin
Nëse vuani nga një skalp i thatë, shkak mund të jetë mungesa e zinkut. Shumë gra në fakt besojnë gabimisht se bëhet fjalë për mungesë mineralesh. Zinku ndihmon për të mbajtur në funksion gjendrat e yndyrës që rrethojnë gjendrat e flokut, kështu që nivelet e ulëta të tij çojnë në tharjen e flokut. Midhjet, gaforret, karavidhet janë buzimet më të pasura me zink, por edhe farat e kungullit janë të mira.
Specat, të mirë për majat e çara
Vitamina C e mbron flokun. Floku i thatë dhe majat e çara janë shenjë se nuk po merrni mjaftueshëm vitaminë C. Specat e kuq janë një burim i pasur dhe po kështu edhe portokallet, luleshtrydhet, domatet dhe brokoli./ Përgatiti: Arlinda Gjypi
