Kur Kristina Kuin i kërkoi gjyshes së saj Nana Beti, të ishte shoqëruesja e saj në dasmë, sigurisht që ishte gjë e papritur. Kuin tregon: “Më pyeti mbi 10 herë: Je e sigurt? Pse kërkon një plakë të vjetër në dasmën tënde”. Por 89-vjeçarja u kthye në shpirtin e dasmës.
“I bënte të gjithë të qeshnin me urtësinë e saj dhe komentet e lezetshme gjatë gjithë ditës. Ajo ka një ndjenjë të theksuar humori dhe një këndvështrim të bukur për jetën që unë mundohem t’ia ushqej vetes çdo ditë. Të gjithë e duan”, u shpreh Kuin, e cila ka një marrëdhënie të ngushtë me gjyshen e saj.
“Nana madje hipi në autobusin e festës bashkë me pjesën tjetër të dasmorëve në vend që të shkonte në shtëpi të pushonte. Ajo kërceu gjithë natën, përfshirë edhe një moment të veçantë kur kërceu me gjyshen e burrit tim. Ishte fantastike”.
“Je aq e vjetër sa ndihesh dhe unë ndihem e re”, i tha Nana Betit. “Sigurisht vitet kalojnë, por shpirti mbetet i ri”./
Përgatiti për “Shëndet+”: Arlinda Gjypi
