Depresioni është një nga problemet psikologjike më shqetësuese. Disa nga simptomat e depresionit janë: ndjenjë trishtimi dhe ankthi gjatë gjithë kohës, izolim ndaj shoqërisë dhe njerëzve, humbja e dëshirës për të ecur përpara, vështirësi në vendimmarrje etj. Psikologu Ian Cook tregon disa mënyra që “mundin” depresionin:
Mbushni kohën: merruni me punë të ndryshme, shikoni televizor, lexoni ndonjë libër, shikoni filmin e preferuar etj. Në këtë mënyrë do të largoni mendimet negative që ju mërzisin dhe ju japin ankth.
Bëni aktivitet fizik: aktiviteti fizik në natyrë, pranë ndonjë liqeni etj është terapi e vërtetë kundër problemeve psikologjike. Ai rrit vetëbesimin dhe mirëqenien, ndryshon humorin dhe rrit energjinë trupore.
Hani shëndetshëm: ushqehuni me të gjitha vitaminat dhe mineralet e nevojshme, në mënyrë që organizmi të funksionojë më mirë. Ushqimet e pasura me omega 3 do të ishin një zgjedhje shumë e mirë.
Këshillohuni me ndonjë psikolog: në mënyrë që të gjallëroni gjendjen shpirtërore, konsultohuni me ndonjë psikolog të mirë. Motivohuni dhe rrisni prespektivat për jetën.
Ndryshoni rutinën ditore: kjo është dhurata më e mirë që mund t’i bëni vetes. Shtyjeni veten që të bëni ndryshime duke filluar që nga mënyra e të veshurit, e të menduarit e deri tek synimet për jetën.
Përgatiti për “Shëndet+”: Xhovana Kodra
