Për gazetën “Shëndet+”: Pasho Maksuti, psikiatër
Psikologët janë punonjës të shëndetit mendor janë një nga hallkat e këtij zinxhiri. Vëmë re se njerëzit e pranojnë më lehtë psikologun, por aspak psikiatrin, pasi thonë: “Psikiatri është doktor, pse duhet të shkoj? Unë nuk kam probleme”.
Ne shpesh hasim dhe keqkuptime. Vjen personi, shkon te urgjenca dhe një pjesë e rasteve në urgjencën e përgjithshme që pranohen këtu në QSUT kanë probleme të ankthit. Kur komunikojmë me kolegët atje, na thonë: E kemi të vështirë t’i themi shko te psikiatri. Sepse ka raste që reagojnë shumë ashpër. Shprehen: “Pse më nxirrni nga dera? Unë nuk jam i çmendur!”. Sepse nuk kanë informacionin e duhur që është psikiatri ai që merret dhe menaxhon ankthin. Edhe problematikat minore psikiatrike.
Mundësia e trajtimit sot duhet thënë që është e madhe. Kam filluar punë para 20 vjetësh dhe atëherë kishim efekte anësore të mbetura nga medikamentet e përdorura, dhe më tepër bënte përshtypje simptomatika nga efektet anësore sesa simptomatika e psikozës. Me medikamentet që përdorim gjatë këtyre 20 viteve të fundit, efektet anësore të medikamenteve I hasim gjithnjë e më pak. Edhe ashpërsia e psikozave është zbutur.
