Përgatiti për gazetën “Shëndet+”: Eneida Mjeshtri
Shëndeti i mirë seksual nënkupton shëndet më të mirë fizik. Të paturit marrëdhënie seksuale një ose dy herë në javë shoqërohet me nivele më të larta të një antitrupi të quajtur imunoglobulina A ose IgA, e cila ka aftësinë t’i mbrojë njerëzit nga 
gripi, ftohjet ose infeksionet e ndryshme.
Shkencëtarët e Universitetit të Wilkes-Barre, Pa, morën kampionë të pështymës që përmbante substancën IgA, në 112 studentë kolegji të cilët raportuan mbi shpeshtësinë e marrëdhënieve të tyre seksuale.
Atyre që i përkisnin grupit me marrëdhënie seksuale të shpeshta – një herë ose dy herë në javë- iu gjetën nivele më të larta të imunoglobulinës IgA se atyre që iu përkisnin tre grupeve të tjera- të cilët kishin raportuar se kishin marrëdhënie seksuale më pak se një herë në javë, nuk kishin marrëdhënie seksuale ose kishin marrëdhënie seksuale tepër shpesh: 3 ose më shumë herë në javë.
