Ka shumë metoda si të humbisni peshë, për shembull duke bërë ushtrime në mënyrë të vazhdueshme. Megjithatë, një nga mënyrat më efektive për të rënë nga pesha është duke nxitur metabolizmin tuaj.
Një studim i kryer nga Universiteti i Shkencave Mjekësore në Iran ka përfshirë dy grupe me 44 gra mbipeshë. Të dy grupeve u është këshilluar një dietë e shëndetshme dhe menu që përmban më pak se 500 kalori në ditë. I vetmi ndryshim midis dy grupeve ishte se njërit grup i është dhënë edhe pluhur qimnoni që të konsumohet rregullisht në dietën bazike. Kjo zgjati për tre muaj.
Gjatë kësaj periudhe, njëri grup konsumoi 140 ml kos me pluhur qimnoni, ndërsa grupi tjetër konsumoi vetëm 140ml kos, pa të.
Rezultatet e studimit treguan se pas periudhës 3-mujore grupi që kishte konsumuar qimnon humbi një total prej 14 kg, si dhe 14.64% më shumë yndyrë se sa grupi tjetër, i cili humbi vetëm 4.91% yndyrë.
Kjo metodë humbjeje peshe është jashtëzakonisht e përshtatshme. Nëse ju nuk e preferoni kosin, mund të hidhni pluhurin e qimnonit në ndonjë ushqim tjetër.
KUJDES! Rëniet e mëdha nga pesha nuk këshillohen nga mjekët. Përpara çdo lloj diete është mirë të konsultoheni me mjekun tuaj!
Përgatiti për “Shëndet+”: Donjeta Zeqa/ Burimi: Healthdigezt
