Përshtati në shqip për gazetën “Shëndet+”: Blertina Koka
Një studim i ri ka zbuluar se diabeti mund të kurohet nëpërmjet transplantimit të qelizave të derrit tek qeniet njerëzore. Deri tani nuk është bërë asnjë eksperiment nga frika se viruset mund të kalojnë nga kafshët tek njerëzit. Këtë javë, qeveria japoneze aprovoi testimin e tij tek njerëzit. Shkencëtarët mendojnë të transferojnë qelizat që prodhojnë insulinë nga derrat tek njerëzit që vuajnë nga diabeti, duke i shpëtuar ata nga injektimet e përditshme.
Diabeti i tipit 1 ndodh kur pankreasi ndalon së prodhuari insulinë, hormoni i cili ul ndjeshëm nivelin e sheqerit në gjak. Ekipi i shkencëtarëve nga Qendra Kombëtare për Mjekësinë dhe Shëndetin Global, në Tokio, shpresojnë që indet e derrit të vazhdojnë të prodhojnë hormone brenda trupit të njeriut, duke kuruar kështu diabetin e tipit 1. Ata shpresojnë të kryejnë transplantin brenda tre viteve.
Burimi: Daily Mail / https://shendeti.com.al/
