Përgatiti për “Shëndet+”: Daniela Bardhi
Moderatorja e programit televiziv “Fiks Fare” ka ndarë në rrjetin social “Instagram” një dietë e cila mundëson rënien në peshë të 6-7 kilogramëve nëse mbahet me rigorozitet për 2 javë. Fiori me sa duket ka dashur t’i vijë në ndihmë të gjithë ndjekësve të saj që të arrijnë peshën e dëshiruar, meqë jemi edhe para sezonit të plazhit. Vetë moderatorja e konsideron si mision të pamundur mbajtjen e kësaj diete, megjithëse shprehet se ka nevojë të bie në peshë rreth 8 kilogramë.
Ajo shprehet gjithashtu se “i urren dietat” dhe në fakt deri diku ka të drejtë. Dietat të mundësojnë rënie në peshë, por nuk ju mundësojnë ndryshimin e stilit të jetesës. Nëse nuk ndërroni sitilin e jetesës, mënyrën e të ushqyerit dhe nëse nuk bëni aktivitet të rregullt fizik, të gjithë kilogramët e hequr nga dieta, mbase edhe më shumë mund t’i merrni përsëri.
“Shëndet+” ju këshillon të ushqeheni shëndetshëm, të hani fruta dhe perime të stinës, të konsumoni yndyrna të shëndetshme dhe të bëni aktivitet të rregullt fizik ose ecje. Në këtë mënyrë ju do të bini në peshë dhe do të përmirësoni shëndetin e përgjithshëm.
