Përshtati në shqip për gazetën “Shëndet+”: D.Bardhi
Frutat dhe perimet e stinës janë shumë të shëndetshme dhe ju japin përfitime të shumta shëndetësore. Shumë studime kanë treguar se konsumimi i shalqinit ul rrezikun e obezitetit, sëmundjeve të zemrës, diabetit, promovon shëndetin e flokëve, lëkurës etj.
Ja disa përfitime shëndetësore që sjell konsumimi i shalqinit:
Parandalon astmën: rreziku për zhvillimin e astmës është më i ulët tek njerëzit që konsumojnë sasi të larta të disa lëndëve ushqyese. Një nga këto lëndë ushqyese është vitamina C, që gjendet në mënyrë të bollshme tek shalqini.
Ul presionin e lartë të gjakut: një studim i publikuar në revistën amerikane të hipertensionit, tregoi se shalqini ulte ndjeshëm presionin e lartë të gjakut.
Parandalon sëmundjet e zemrës: likopeni, element i gjendur tek shalqini është shumë i domosdoshëm në mbrojtjen kundër sëmundjeve të zemrës.
Rregullon problemet e tretjes: shalqini është i pasur me ujë dhe fibra, prandaj ështënjë frut shumë i mirë që rregullon problemet e tretjes dhe parandalon kapsllëkun.
Ju mban të hidratuar: 92% e këtij fruti përbëhet nga uji. Ai ju siguron hidratim gjatë gjithë ditës.
Trajton inflamacionin: kolina është një lëndë ushqyese që gjendet në shalqi dhe ndihmon trupin në lëvizjen e muskujve, në proçesin e të mësuarit dhe kujtesës. Kolina ndihmon gjithashtu në ruajtjen e strukturës së membranës qelizore, ndihmon në transmetimin e impulseve nervore dhe redukton inflamacionin.
Shalqini është një frut që promovon shëndetin e flokëve dhe lëkurës gjithashtu.
Burimi: Medicinal Neës Today
