Blerina Bombaj, dietologe / Shendeti Online dhe gazeta Shëndet+
Perberesit per 16 cope:
- 3 kupa miell natyral
- 1 kupe miell gruri të zi
- 1 lugë të vogël sodë buke
- 1 ½ lugë të vogla pluhur për pjekje (baking powder)
- ¾ lugë të vogël maja pluhur
- 1 lugë të vogël sheqer
- ¼ kupë ujë në temperaturë ambienti
- ¾ kupë qumësht të freskët
- 1 kupë kos natyral
- Pak gjalpë të shkrirë
- Pak kripë
- *sipas dëshires i shtoni hudhër ose erëza të freskëta ose djathë
Përgatitja:
- Përzieni majanë me sheqerin dhe ujin dhe i lini 5 minuta. Ndërkohë përzieni dy llojet e miellit, sodën e bukës, pluhurin e pjekjes dhe pak kripë. Krijoni një hapësirë në mes.
- Përzieni qumështin me kosin. Kur uji me majanë të krijojë flluska e bashkoni me qumështin dhe i hidhni në hapësirën mes miellit.
- Përzieni me një lugë druri dhe më pas e punoni brumin me duar deri sa të zbutet. Vendoseni brumin në një enë të cilën e keni lyer mirë me vaj dhe e mbuloni. E lini deri sa të dyfishojë volumin.
- Kur brumi të jetë gati, e nxirrni që aty dhe e vendosni në një sipërfaqe të lyer me miell. E ndani në dy gjysma dhe secilën gjysmë e ndani në 8 pjesë të barabarta. Secilën pjesë e hapni në madhësinë e 1 piteje të zakonshme, rreth 3mm të trashë.
- Lyejini me gjalpin e shkrirë dhe piqini në furrë të nxehtë dhe në tepsi që e keni vendosur paraprakisht të nxehet. Mjaftojnë pak minuta, deri sa të krijojnë flluska në sipërfaqe dhe të jenë gati.
